DILÁLAŠVUOHTA 2
Doavttirstoagus maid 5 jahkásaš bárdni lea vuolggahan
Petter lea maŋemus áiggi leamaš hui áŋgir doavttirstohkosiin ja juohke háve go mánát stohket, de háliida son leat divššohas. Son gohčču doaktára iskat su cissaskruvvá ja stoagus orru álggos leamen sáhkkiivuohta ja dutkan. Dat lea mearkkašahtti ahte Petter máŋgii jearrá mánáiguin háliidit go njammat su cissaskruvvá, muhto ii oktage mánná háliit dan. Bargit maid fuobmájit ahte son lea hui áŋgir stohkosis, iige háliit šat eará stoahkamiidda searvat. Petter orru maid eanet áŧestuvvan ja suhttan go dábálaččat. Soaitá fáhkkestaga suhttat ovdagihtii, ja orru eahpesihkkar go lea mannamin ruoktot. Muhtun beaivvi go mánát stohket, de gullá pedagoga ahte Petter lohka Antonii ahte son ferte njammat su cissaskruvvá. Anton boagusta ja dadjá: "Easj, in mun gal dan háliit". Petter ii vuollán: "Muđui don it beasa mu riegádanbeaivái boahtit". Pedagoga ságastallá bártnážiiguin dan birra ahte goappašagain ferte leat miella stoahkat ovttas, ja ahte ii leat riekta áitit jus muhtin ii háliit stoahkat. Seammás pedagoga mearrida hupmat eanet Petteriin maŋŋelaš.
Dán oktavuođas Petter čájeha vuorjašuhtti seksuálalaš láhttema. Govvideapmi orru leamen eará go lunddolaš dutkamuš. Petterii orro eará stoahkan ja ovttastallan unohas, ja nu ii lean ovdal. Jus pedagoga ii livččii leamaš lahkosis ja bagadallan, de livččii Anton bággehallan dahkat dan maid ii háliidan. Dán livččii sáhttit gohčodit "rukses suorgin", dat mearkkaša vahágahtti seksuála láhtten. Dat lei jierbmás pedagoga gii válddii gánddaid duođalažžan ja veahkehii dilálašvuođas oadjebas vugiin.
Guokte iešguđetlágan scenario Petteriin ja pedagogain:
Scenario 1
Pedagoga dadjá Petterii: "Doavttirstohkosis odne, de jerret sáhttágo Anton njammat du cissaskruvvá. Muital dan birra eambbo". Petter lohká: "Mun háliidin dušše ahte mu cissa galgá šaddat stuoris ja garas". Pedagoga jearrá:" Gean cissa láve šaddat stuoris ja garas?". Petter lohka:"Jensa filmmas". Pedagoga diehtá ahte Jens lea Pettera stuoraviellja ja vázzá 3. klássas. Pedagoga dadjá ahte son ipmirda ahte Petter lea sahkki, muhto mánát eai galgga nubbi nuppi cissáid njammat. Dadjá maid ahte rávisolbmuid ii leat goasse lohpi dahkat dan mánáiguin.
Pedagoga dulko dan nu ahte Petter lea geahččan porno stuorraviellja telefovnnas/neahttabreahtas ja ii áiggo šat geardduhit. Sihke Petter ja stuorraviellja leaba beare nuorat porno geahččat. Ovttasráđiid mánáidgárddi jođiheddjiin váldá oktavuođa váhnemiiguin ja bivdá ságastallat. Bargit muitalit čielgasit váhnemiidda ahte sii eai leat reageren go Petter stoahká doavttirstohkosa, muhto dat sisdoallu ja Pettera rievdamat, mat boktet sin balu. Váhnemat leat giitevaččat go oaččuiga dieđuid láhttenrievdadusaid birra. Soai sáhttiba muitalit ahte Petter lea šaddan eanet balus ja árggit, muhto ahte eaba diehtán ahte lei mánáidgárddis maid. Eaba ge diehtán ahte Petter ja Jens leaba geahččan porno. Soai muitaleaba ahte leaba ieža maid lossa dilis go lea duođalaš buohcci váhnen, ja dát lea dagahan eanet riidduid dán guovtti ollesolbmo gaskka. Danne leaba ge Petter ja Jens šaddan olu guovttá. Soai lohkaba ahte ođđa dieđuid dihte, soai áiguba ohcat veahki čoavdit iežaska hástalusaid vai sáhttiba buorebut áimmahuššat mánáid.
Scenario 2
Pedagoga dadjá Petterii: "Doavttirstohkosis odne, de jerret sáhttágo Anton njammat du cissaskruvvá. Muital dan birra eambbo". Petter lohká: "Mun háliidin dušše geahččat boahtá go mielki mu cissás". Oahpaheaddji joatká: "Háliidedje dušše geahččat ahte bođii go mielki?. "Gean cissás mielki boahtá?" Petter dadjá: "Áhči cissás boahtá alo mielki go mun njaman dan". Pedagoga jearrá Petteris mo su mielas dat lea, ja Petter vástida ahte su mielas lea unohas. Pedagoga dadjá ahte ii oktage mánná galgga njammat ollesolbmuid cissáid, ja ahte dat lea lobiheapme. Viidáseappot rámiida pedagoga Pettera go muitalii ja lohká ahte son ii leat dahkan maidege lobiheamet. Dát lea rávisolbmuid ovddasvástádus. Pedagoga muitala ahte sii sáhttet hupmat eambbo dan birra ovdal viežžanáiggi, muhto sii fertejit vuos hupmat singuin geat lávejit veahkehit mánáid dakkár áššiiguin.
Dás muitala Petter iežas sániiguin ahte áhčči veagalváldá su. Pedagoga ferte de dieđihit iežas jođiheaddjái ja váldit oktavuođa mánáidsuodjalusbálvalusain dahje politiijain. Pettera váhnemiidda eai galgga addit dieđuid go sii ballet ahte áhčči lea Pettera seksuálalaččat veagalváldán. Dát mielddisbuktá dieđihangeatnegasvuođa mánáidsuodjalussii. Gieđahallan dáhpáhuvvá mánáidsuodjalusa ovttasbargguin ja muđui eará veahkkeapparáhtain.
Illustrasjon: Jens A. Larsen Aas